SYSIMETHRES

SYSIMETHRES

Persarum satrapa fuit, qui duos ex matre liberos suscepit. Nam, auctore Qu. Cuttiô, apud Persas partentibus stuprô coite cum liberis fas est, l. 5. c. 1. Infandum scelus, et per quod iure gentium incestus committtur, leg. sin. de R. N. sed viderit ibi Paulus, quid appellet ius gentium, Ecce enim, quod nos merito abhorremus, probab atur Arabibus, Persis, Aslyriis, Patthis, Medis, Aegyptiis, Phrygibus, Galatis, Aethiopibus, Indis, Scotis, Hibernis, Naurae regionis incolis, Nomadibus; ut ex variis Auctoribus ostendit Tiraquellus, leg. Connub. 7. 30. 32. 33. et Alexandri Dier. Genial. l. 1. c. 24. Quibus accedunt haud pauci ex incolis terratum recens repertarum. Eo respicit Ovidianum illud, Metamorphoseon l. 10. v. 331.

——— Gentes tamen esse feruntur,

In quibus et nato genitrix, et nata parenti

Iungitur. ———

Orosius, l. 1. c. 4. a Semiramide hunc morem introductum refert. Theodoretus conta Graecos, Grat. 9. de legg. ait, Persas, ex Zaradae cuiusdam instituto, matribus misceri. Apud Diog. Laertium, Pyrrho, hâc consuetudine, et aliis similibus, demonstratur: idem aliis bonum, aliis malum videri. Quomodio et Corn. Nepos. prooemio: Non eadem omnibius esse honesta, atque turpia, sed omnia Maiorum institutis iudicari. Eôdemque sensu Artabanus in Plut. Themistocle, c. 46. Summus quoque gentilium Philosophor. Ethic. l. 1. c. 3. τὰ καλὰ, inquit, καὶ δίκαια τοσαύτην ἔχει διαφοράν, ὥςε δοκεῖν νόμῳ μόνον ἶναι, φύσει δὲ μή. Quorsum haec? Ut nempe constet, certos indubitatosque bonorum et malorum fines constituere, non esse Naturae, sed Gratiae, Freinshemius not, in locum Curtii supra citatum. Coeterum Sysimethres hic, adventu Alexandri, cum 2000. armatis fauces regionis, validô munimento, sepsit. Sollicitatum ad deditionem, mater eademque coniux morituram se ante denuntians, quam in ullius veniret potestatem, barbari animum ad honestiora, quam tutiora flexerat. Mox tamen, quumk hostis vires, suasque pensaret, permisit se victori, imperium recepit: quam gratiam paulo post large retulit, cum multa iumenta et camelorum duo milia adduxit, pecoraque et armenta: quibus distributis miles Alexandri et damno et fame quâ laborabat, liberatus est, Rege praefato, gratiam sibi relatam a Sysimethre, Idem Curtius, l. 8. c. 4. Nic. Lloydius.